Almaniyanın eks-prezidenti Kristian Vulfun kitabı çıxıb.

Axar.az məlumat verir ki, Berlində jurnalistlərə təqdim olunan "Ganz oben – ganz unten" (Ən yuxarıda - ən aşağıda) kirabında Kristian Vulf son illərdə baş verən hadisələrə öz münasibətini bildirib.

Vulf ədalət, siyasət və media arasında balansın pozulmasından danışıb və bunu demokratiya üçün böyük təhlükə saydığını söyləyib.

2011-ci ilin sonunda Vulf korrupsiya və səlahiyyətlərindən sui-istifadədə günahlandırılıb. 2012-ci ildə Vulf istefa vermək məcburiyyətində qalıb. O, kitabında bu qərarını yanlış addım kimi dəyərləndirib.

Qeyd edək ki, 2014-cü ildə keçmiş prezident korrupsiya ittihamlarını təsdiq edən dəlillər olmadığından bəraət alıb.