Quql şirkəti küçə incəsənətinə həsr olunmuş "Street Art" layihəsini buraxıb.

Axar.az məlumat verir ki, layihə bütün dünyadan 5 mindən çox qrafit şəkillərin daxil olduğu onlayn-qalereyadır. Qalereya video-çarx və panoramalarla tamamlanıb. Layihə üçün materialı Quql Paris Mədəniyyət İnstitutu toplayıb. Küçə incəsənəti kolleksiyasında digərləri ilə birlikdə Nyu Yorkdakı 5 Pointz - "Mekki qrafiti" binasının fotoları da var. Binanın divarlarında yüzlərlə küçə rəssamının imzası var. Layihədə "Street View"(Küçə görünüşü) texnologiyasından istifadə edilib.

Bu texnologiya küçələrin panoramına 2,5 metr hündürlükdən baxmağa imkan verir. Onun köməyilə izləyicilər divarlarında yüzlərlə 3D formatında qrafitin olduğu "Tour Paris 13" binasına tam nəzər sala biləcəklər.

"Street Art Google Art"(Küçə incəsənəti Quql incəsənəti) layihəsinin genişlənməsidir. Bu layihə dünyanın ən məşhur muzeylərinə onlayn səyahət etməyə və eskponatları nəzərdən keçirməyə imkan verir.