Cənubi Afrika televiziya təşkilatı olan SABC-nin müdirinə gənc bir qız hədiyyə olunub.

Axar.az xəbər verir ki, Cənubi Afrikada çıxan "Sovetan"qəzetinin verdiyi məlumata görə, Venda dilində daha çox proqram yayımlaması üçün təşkilat rəhbərinə hədiyyə olaraq on qız təqdim olunub. Hlaudi Motsoenenq isə on qız içərisindən 23 yaşlı insan hüquqları təhsili görmüş bir qızı seçib.

Cənubi Afrika Qadın İşləri Nazirliyi qadınların heyvan kimi hədiyyə edilməsini ölkənin 20 illik demokratiya, azadlıq, xüsusi olaraq qadınların ictimai fəaliyyəti mövzularında əldə etdiyi uğurlara böyük bir təhqir olduğunu bildirib.

Xatırladaq ki, hədiyyə mərasimində qızlarla birlikdə onların valideynləri də iştirak edib. Bu hadisə ilə bağlı Gender Bərabərliyi Komissiyası tərəfindən istintaq işi başladılıb.