Misir universitetinin professoru Abdul Nassar ölkənin iqtisadi vəziyyətinin yaxşılaşdırılması üçün evsiz uşaqların öldürülməsini təklif edib.

Axar.az məlumat verir ki, Sohaq Universitetinin professoru Nassar Abdul öz məqaləsində Misirdə evsiz, küçə uşaqlarının problemini 90-cı illərdə Braziliyada olduğu kimi küçələrdən təmizləmək adı altında öldürərək həll etməyi təklif edib:

"90-cı illərdə Braziliyada küçə uşaqları oğurluq, fahişəlik, hətta qətl kimi cinayətlər törədərək ölkədə narahatlığa səbəb olurdular. Misirin hazırki iqtisadi vəziyyəti Braziliyanın həmin dövr üçün olan vəziyyəti ilə eynidir".
Misirdə evsiz uşaqların problemi ilə məşğul olan aktivist Nelli Alli Nassar Abdulu bu inanılmaz fikrinə görə tənqid edib:

"Küçə uşaqları - yalnız cəmiyyətin yoxsulluğunun əlaməti deyil, bu, həm də hökumətlər və dövlətlərin zəif olmasının göstəricisidir".