Rusiya Xarici İşlər Nazirliyi 12 ABŞ vətəndaşının ölkəyə girişini qadağan edib.

Axar.az xəbər verir ki, bu addım Ukrayna böhranı səbəbi ilə ABŞ-ın Rusiyaya qarşı tətbiq etdiyi sanksiyalara cavab olaraq atılıb.

Rusiya xarici siyasət idarəsi ABŞ-a qarşı tətbiq olunan "Quantanamo" siyahısına daha 12 nəfərin əlavə edildiyini bildirib. Məlumata görə, qara siyahıya salınan adamlar Quantanamo həbsxanasında işgəncə verməkdə əli olanlardır. Onu da bildirək ki, siyahıya Quantanamo həbsxanasında məsul vəzifə daşımış general Riçard Batler, aclıq aksiyası elan edən məhbuslara zorla tibbi müdaxilə edilməsi üçün qərar verər ABŞ Regional Məhkəməsinin hakimi Qladis Kessler, həmin dövrdə orduda yüksək vəzifə tutan Rikardo Sançez, Janis Karpinski və Əbu Qureyb həbsxanasında işgəncə verən əsgərlər daxil edilib.