Vladiqafqazda Şimali Osetiya müftisinin müavini Rəsul Həmzətov bu gecə saat 23:40 radələrində öldürülüb.

Axar.az "İtar-tass"a istinadla xəbər verir ki, qətli isti izlərlə açmaq mümkün olmayıb: şahidlər olmadığından, qatillərin təsvirini yaratmaq da mümkün deyil.

Şimali Osetiyanın Daxili İşlər naziri Artur Əhmədxanov qeyd edib ki, polis əməkdaşları qətlin bütün təfərrüatını öyrənir.

Müfti Hacımurad Qaçalovun sözlərinə görə, Rəsul Həmzətovla bu gün yaşadığı evdə vida mərasimi keçirildikdən sonra meyit Elxotovaya gətiriləcək və burada müsəlman adətilə dəfn ediləcək.

Rəsul Həmzətovun 36 yaşı vardı, 6 övladı qalıb.

Xatırladaq ki, 2012-ci ilin dekabrında Vladiqafqaz məscidinin imamı İbrahim Dudarov da öz evinə gedərkən öldürülmüşdü. Qatillər hələ də tapılmayıb.