Avropa Təhlükəsizlik və Əməkdaşlıq Təşkilatı ABŞ-dan Ferqusonda baş verən nümayişlərlə bağlı mətbuatın azadlığının təmin edilməsini tələb edib.

Axar.az xəbər verir ki, ATƏT tərəfindən yayılan bəyanatda ABŞ-ın söz azadlığına hörmət etməsi, qarşıya çıxan xoşagəlməz hadisələrin qarşısının alınmasının vacibliyi qeyd olunub. ATƏT-in Media Azadlığı üzrə nümayəndəsi Dunya Miyatoviç verdiyi açıqlamada ABŞ-da 18 yaşındakı zənci gəncin polis tərəfindən öldürülməsi nəticəsində meydana gələn çaxnaşmalarda jurnalistlərə təzyiq olunmasının, baş verən hadisələrin dünya ictimaiyyətinə düzgün çatdırılmasına qarşı yaradılan süni əngəllərin aradan qaldırılmasının tələb olunduğunu bildirib.

Hadisə ilə bağlı 3 jurnalistin tutulduğunu və sonra sərbəst buraxıldığını deyən xanım Miyatoviç 3 jurnalistin bibər qazından zəhərləndiyini qeyd edib.