Tank üçün tamamilə türk mənşəli motorun istehsalı 2-3 ildən artıq davam edəcək.

Axar.az xəbər verir ki, bunu Moskva Hərbi və Siyasi Jurnalistika Mərkəzinin eksperti Boris Rojin deyib.

"Afrində və Əl-Babdakı münaqişələr zamanı Türkiyə ordusunun hazırda istifadə etdiyi "Leopard" və İsrailin modernləşdirdiyi "M-60" tankları hərbi rəhbərliyi qane etmədi. Türkiyə tərəfi həm Qərb, həm də Sovet istehsalı olan tanklara qarşı dözümlü olacaq milli tankını inkişaf etdirmək istəyir. Ancaq hazırda Türkiyənin düşmənləri çox zəifdir, buna görə super tanka ehtiyacı yoxdur", - Rojin qeyd edib.

Qeyd edək ki, "Altay" tankının seriya istehsalını Qətər və Türkiyənin birgə şirkəti olan BMC edəcək. Bunun üçün Sakaryada istehsal sahəsi yaradılır. Yaxın vaxtda BMC və Avtomobil Sənaye və Ticarət QSC arasında 3,5 milyard dollarlıq müqavilə imzalanacaq. Türkiyə Müdafiə Sənayesinin strateji planına əsasən, 35 ədəd "Altay" tankı 2020-2021-ci illərdə ordunun xidmətinə veriləcək.

Rusiyalı hərbi ekspert Sergey Suvorov "Rusiya Tudey"ə ötən gün açıqlamasında da bildirib ki, "Altay" tankı üçün yerli mühərrikin inkişaf etdirilməsi Türkiyə Müdafiə Sənayesinin ciddi bir mübarizəsi olacaq.