Rusiya Avropa avia şirkətlərinə özünün hava məkanından istifadə etmək qadağası qoya bilər.

Axar.az xəbər verir ki, bu barədə Rusiya Baş naziri Dmitri Medvedyev mətbuata verdiyi açıqlamasında deyib.

Medvedyev bildirib ki, bu, Qərbin tətbiq etdiyi yeni sanksiyalara cavab olacaq.

"Əgər sanksiyalar energetika, maliyyə sektorunu əhatə etsə, onda biz də asimmetrik cavab verməli olacağıq. Belə bir qərarı mən hökumətin iclasında səsləndirdim. Biz partnyorlarımızla dostluq münasibətlərimizi davam etdiririk, buna görə də, Rusiyanın hava sahəsi uçuş üçün açıqdır. Amma bizə sanksiya tətbiq edirlərsə, cavab verməyə məcbur olacağıq" – Medvedyev bildirib.