Ölkənin şərqində separatçılarla ordu qüvvələri arasında yaranan toqquşmada 7 jurnalist həlak olub.

Axar.az xəbər verir ki, bunu Ukrayna Kütləvi Kommunikasiya İnstitutu ölkədəki jurnalist hüquqları və mətbuat azadlığı ilə bağlı verdiyi hesabatda bildirib.

Araşdırmanın nəticələrinə görə, ölkədə bu il ərzində 7 jurnalist öldürülüb, 265 mətbuat nümayəndəsi isə hücumlara məruz qalıb.

Hesabatda bildirilib ki, baş vermiş 119 hadisədə jurnalistlərə vəzifə borclarının yerinə yetirilməsinə maneə törədildiyi, 120 hadisədə isə senzura tətbiq olunduğunu aşkar olunub.

Qurum öldürülən jurnalistlərin altısının xarici ölkə vətəndaşı olduğunu açıqlayıb. İtalyan fotomüxbir Andrea Rokkelli və rusiyalı jurnalistlər-Andrey Stenin, İqor Kornelyuk, Anton Volo və Anatoliy Klyanın Donetskdə, Vyaçeslav Veremiyin isə Kiyevdə öldürüldüyü vurğulanıb.