"NATO-nun ikinci böyük orduya malik dövləti Türkiyənin əməliyyatlarda iştirakı bizə üstünlük verəcək. Ancaq bu İŞİD-in Türkiyə daxilində terror hücumları təşkil etməsinə də yol aça bilər".

Axar.az xəbər verir ki, İngiltərənin "Independent" qəzeti koalisiya güclərinin İŞİD-ə qarşı hücumlarında Türkiyəyə ehtiyacları olduğunu yazıb. Qəzet Amerikanın hücumlarının qeyri-kafi olduğunu qeyd edib. Həmin məqaləni təqdim edirik:

"Əgər Türkiyə əməliyyatlarda Ərdoğanın dediyi kimi, siyasi və hərbi dəstək versə, İŞİD-i məğlub etmək şansımız artacaq. Türkiyənin ABŞ-Ərəb ittifaqına qatılmaq istəməməsini anlamaq asandır. Türkiyə hökumətini radikalların gizli qoruyucusu olaraq göstərmək böyük bir səhvdir. Əsəd hökumətinə qarşı nifrətinə görə Türkiyə 2011-ci ildən bu yana rejim əleyhdarlarına yardım edir. Türkiyəyə sığınan bir milyon qaçqının içərisində İŞİD döyüşçüləri də var.

NATO-nun ikinci böyük ordusu Türkiyənin əməliyyatlarda iştirakı bizə üstünlük verəcək. Ancaq bu İŞİD-in Türkiyə daxilində terror hücumları təşkil etməsinə də yol aça bilər.

Yenə də İŞİD-in məhv edilməsi Türkiyənin xeyrinə olacaq. Türkiyə onu yox etmək istəyən terror təşkilatı ilə qonşu olmaq istəməz. İŞİD-in iyunda qaçırdığı 49 girovu geri qaytarması Ərdoğanın əllərini açdı. Artıq İŞİD-ə qarşı mübarizəyə qoşulmaq zamanıdır".