İngiltərə Baş naziri Devid Kemeron İŞİD terror qruplaşmasına qoşulan vətəndaşlarına səslənib.

Ans press-in məlumatına görə, Kemeron İŞİD-ə qarşı mübarizədə sərt tədbirlər görüləcəyini bildirib:

"İraqda və Suriyada İŞİD üçün döyüşənlər Birləşmiş Krallığın düşmənləridir. Bu insanlar şeytandır. Bunlar uşaqları öldürür, qadınlara təcavüz edir, onlara inanmayanları soyqırımla təhdid edir, jurnalistlərin və könüllülərin başlarını kəsir. İŞİD-lə mübarizə edilməzsə, küçələrə terror gətirəcəklər. Birləşmiş Krallığın təhlükəsizliyi üçün hər şeyi edəcəyik.

Suriyaya və İraqa getmək istəyənləri hər vəhclə durdurmağa çalışağıq. Pasportlarınıza əl qoyacağıq, məhkum edəcəyik və hazırda həmin bölgədəsinizsə, o zaman İngiltərəyə geri dönüşünüzə mane olacağıq".

Qeyd edək ki, Birləşmiş Krallıqdan təxminən 500 nəfərin İŞİD-ə qoşulduğu bildirilir. İngiltərə dünəndən başlayaraq, anti-İŞİD koalisiyası çərçivəsində Suriya və İraqda terror qruplaşmasının mövqelərinə zərbələr endirməyə başlayıb.