Ana səhifə Planet |
Özbəkistanda oktyabrın 1-dən elektrik enerjisi tarifləri artıb.
Axar.az xəbər verir ki, elektrik enerjisi bir kilovat üçün 9.8% artırılıb.
Əhali və müəssisələr üçün təbii qazın kub metri 9.9% artırılaraq 181.62 sum olacaq. Mərkəzi istilik tarifləri kvadrat metr üçün 7.2%,787.95 sumdan 844.67 suma qədər artırılacaq.
Kommunal xidmətlərin bu cür artımı Özbəkistanda cari ilin aprelində olmuşdu. Onda elektrik tarifləri 9.5%, qaz – 8.9%, mərkəzi istilik və isti su 11.7%, soyuq su təchizatı isə 10.5% artmışdı.
Siyasi analitiklərin hesablamalarına görə, Özbəkistanda communal xərclərin artması hökumətlə xalqı üz-üzə qoya bilər. Dövlət başçısı İslam Kərimovun avtoritar idarəçiliyi qaykaları bərkitsə də, daxildəki narazılığın sosial partlayışla nəticələnməsi istisna olunmur.
Eyni zamanda prezidentin qızı Gülnarə Kərimova saray daxilində çevriliş üçün səylərini davam etdirir. Atası tərəfindən ev dustağı olmasına baxmayaraq, onun tərəfdarları heç də az deyil.
Məlumata görə, G.Kərimova Özbəkistan ictimai rəyində ən güclü müxalifət kimi qəbul olunur. Bu ölkənin politoloqları Qərbin hazırkı rəhbərə alternativ kimi qızını gördüyünü qeyd edirlər.
Tarix
2014.10.03 / 20:24
|
Müəllif
Emin Aslanlı
|