İngiltərənin nüfuzlu "Teleqraf" (Telegraph) qəzeti kürdlərin İŞİD-ə qarşı mübarizəsində Türkiyənin passiv mövqeyini tənqid edib.

Axar.az xəbər verir ki, "Türklər kənarda durub, onların yerinə kürd qadınların döyüşür" başlıqlı məqalədə kürd qadınlarının mərdliyi, İŞİD-ə qarşı mübarizədə kişilərdən geri qalmadığı bildirilib.

Kobani ətrafında gedən şiddətli döyüşlərdə yüzlərlə kürd qadının öldüyü deyilən məqalədə qarşı tərəfdə türk artilleriyasının bu mənzərəni seyr etdiyi vurğulanıb: "ABŞ və digər koalisiya qüvvələrinin hücumu nəticəsində İraqın tam yarısı 24 saat ərzində terrorçulardan təmizləndi. Amma yarım ildən çoxdur ki, Kobani İŞİD-in mühasirəsindədir".