Nə ABŞ əsgəri, nə də Türkiyə əsgəri qarşı-qarşıya gəlmək istəyər. Heç kim bununla bağlı şərtləri dəyişdirmək istəmir.

Axar.az xəbər verir ki, bu sözləri Türkiyənin Fəratın şərqinə təşkil edəcəyi hərbi əməliyyatı şərh edən türkiyəli təhlükəsizlik üzrə mütəxəssis Abdullah Ağar bildirib.

Ağar qeyd edib ki, ABŞ və Türkiyə arasındakı bütün əlaqələrin hüquqi baxımdan aradan qalxacağı görüntüsü var:

"Türk əsgəri ilə ABŞ əsgəri qarşı-qarşıya qalarmı? Bu, sadəcə bir baxış yönüdür. Mən başqa bir baxış bucağı ortaya qoyuram. ABŞ əsgəri Türkiyə əsgəri qarşısında qalmaq istəyərmi? Və ya ABŞ hökuməti Türkiyə dövləti ilə qarşı-qarşıya gəlmək istəyərmi? Əgər belə bir görüntü olsa, dünyanın geosiyasi xəritəsi dəyişər".