Polşa şərq sərhədlərində hərbçilərinin sayını artırmağa hazırlaşır.

Axar.az "Assoşeyted Press" agentliyinə istinadən xəbər verir ki, bu barədə Polşa Baş nazirinin müavini və müdafiə naziri Tomaş Semonyak bildirib. Semonyak Polşanın belə bir qərar almasına səbəb kimi Ukrayna böhranını göstərib.

Müdafiə naziri bölgədəki vəziyyətdən narahat olduqlarını deyib:

"Geosiyasi vəziyyət dəyişdi, biz soyuq müharibə vaxtlarından bu yana təhlükəsizliyin ən böyük böhranından narahat oluruq. Biz bunlardan nəticə çıxarmalıyıq".

Semonyak hər hansı radikal addımlar atmağı düşünmədiklərini, ancaq ölkənin şərqində təhlükəsizliyi gücləndirmək istədiklərini qeyd edib.