Misir hökuməti devrilmiş Məhəmməd Mursinin hakimiyyəti dövründə Türkiyə ilə imzalanan ticarət razılaşmasını ləğv etdiyini açıqlayıb.

Axar.az xəbər verir ki, Nəqliyyat Nazirliyinin müşaviri Əhməd Əmin "Müsəlman Qardaşları" dövründə Türkiyə ilə imzalanan və bu ölkənin nəqliyyat vasitələrinin Misir torpaqları və dəniz sularını istifadə etməsinə icazə verən razılaşmanın Misir iqtisadiyyatına böyük zərbə vurduğunu iddia edib.

Nazirlik sözçüsü məhz bu səbəbdən hökumətin bu razılığı ləğv etdiyini qeyd edib.

Xatırladaq ki, müqavilə mart ayında sona çatacaq. Hökumət qəbul etdiyi qərarla bu müqaviləni yeniləməyəcək.