Gürcüstanın ərazi bütövlüyünə qarşılıq olaraq Gürcüstanda rus bazalarının saxlanılmasına və NATO-ya üzvlükdən imtinaya hazır idim.

Axar.az xəbər verir ki, bunu Gürcüstanın eks-prezidenti Mixail Saakaşvili “Rustavi 2”-yə müsahibəsində deyib.

“Mənim üçün əsas ölkədir. Ruslar Gürcüstanda idilər və onları qovmaq mümkünsüz idi. Ona görə də biz bunu təklif edirdik.

Biz osetinlər üçün hökumət yaratdıq və dedik ki, osetinlərin hökuməti budur. Hər şeyi veririk, sadəcə Rusiyanı uzaqlaşdırın. Bundan sonra Rusiya narahat oldu və bütün Sxinvali hökumətini Rusiya zabitləri ilə əvəz etdilər”, – deyə o bildirib.

Saakaşvili Gürcüstan ordusunun Sxinvalini bombardman etməsi haqqında Rusiyanın dediklərinin böyük axmaqlıq olduğunu deyib. O, müharibənin başlandığı gün Sxinvalidə heç kimin olmadığını, Rusiyanın bir neçə gün öncə əhalini şəhərdən evakuasiya etdiyini bildirib.