NATO-nun Qara dənizdə aktivliyinin güclənməsi regionda təhlükəsizliyi artırmayacaq.
Axar.az xəbər verir ki, bunu jurnalistlərə açıqlamasında Rusiya Xarici İşlər nazirinin müavini Aleksandr Qruşko deyib.
“Bizim mövqeyimiz aydındır. NATO-nun Qara dənizdə istənilən cür güclənməsi hərbi nöqteyi-nəzərdən mənasızdır. Onlar nə regionun, nə də NATO-nun təhlükəsizliyini gücləndirəcək”, – deyə o bildirib.
Qeyd edək ki, bundan öncə ABŞ-ın NATO-dakı nümayəndəsi Key Beyli Hatçison NATO-nun Vaşinqtondakı iclasında Qara dənizlə bağlı tədbirlər paketinin qəbul ediləcəyini bildirib. O, yeni paketin tərkibində Qara dənizdə kəşfiyyatın gücləndirilməsinin, çoxlu sayda NATO gəmisinin Qara dənizə Ukrayna gəmilərinin Kerç boğazıyla təhlükəsiz hərəkətinin təmin edilməsi üçün gəlməsinin daxil edildiyini bildirib.