“Rusiya işi”nin xüsusi prokuroru Robert Müllerin hesabatının dərc olunmasından sonra amerikalılar arasında Prezident Donald Trampa dəstək göstəricisi ümumilikdə 3 faiz aşağı düşüb.

Axar.az xəbər verir ki, bu, “Röyter”in keçirdiyi sorğu nəticəsində bəlli olub.

Sorğuya əsasən, amerikalıların 37 faizi Trampın işini dəstəkləyib. Bu isə Trampın reytinqinin mart ayında hesabat açıqlanmazdan əvvəl keçirilmiş sorğu ilə müqayisədə 6 faiz azaldığını göstərir.

Sorğuda iştirak edənlərin 47 faizi Donald Trampın istefaya getməli olduğunu bildirib. 50 faiz respondent Tramp və ya onun komandasından kimlərinsə 2016-cı il seçkilərinin nəticələrinə təsir göstərmək üçün Rusiya ilə əməkdaşlıq etdiyinə inandığını qeyd edib.

Qeyd edək ki, sorğu 18-19 aprel tarixlərində keçirilib.