Bir neçə il əvvəl Rusiya bayrağını tapdalayan şəxs qubernator təyin edilib.

Axar.az xəbər verir ki, bu sözləri öz Feysbuk səhifəsində İşıqlı Ermənistan Partiyasının sədri Edmon Marukyan paylaşıb. O, bu şəxsin Araqatson vilayətinin yeni qubernatoru David Gevorkyan olduğunu bildirib:

“Məncə, hər hansı ölkəyə qarşı çıxan və öz mövqeyini həmin ölkənin bayrağını yandırmaq, ya da tapdalamaqla ifadə edən vətəndaşlar ola bilər. Amma mən heç cür anlamıram ki, necə belə adam hökumətin Rusiya ilə mükəmməl münasibətlər formalaşdırmaq üzərində çalışdığı vədədə Ermənistanda yüksək vəzifə, özü də qubernator vəzifəsi ala bilər. Maraqlıdır, görəsən, hökumət Araqatson vilayətinin qubernatorunun siyasi baxışlarından xəbərdardırmı? Onlar bu qubernatorun simasında Rusiya ilə necə mükəmməl münasibətlər qurmağa ümid edirlər? Mənim sualım ritorik deyil. Öz həmkarlarımdan – Lilit Makuntsdan (Mənim Addımım Blokunun rəhbəri) cavab gözləyirəm”.