Ana səhifə Planet |
10:29
Qazaxıstanın Türküstan vilayətinin Arıs şəhərində yerləşən hərbi hissənin anbarında partlayış baş verib.
Axar.az xəbər verir ki, bu məlumatı Qazaxıstan Daxili İşlər Nazirliyi yayıb. Hadisə yerinə 8 yanğınsöndürmə maşınının cəlb edildiyi vurğulanıb. İnsidentin səhər saatlarında yerli vaxtla 09:20-da baş verdiyi qeyd edilib.
Hərbi hissənin yaxınlığında yerləşən yaşayış məskənlərinin köçürülməsinə başlanılıb.
Faktla bağlı araşdırma aparılır.
***
Qazaxıstan rəsmilərinin məlumatına görə, partlayış nəticəsində 16 nəfər yaralanıb. Yaralıların 1-i hərbçi, qalanı isə mülki vətəndaşdır.
Hazırda şəhərin tamamilə boşaldılması üçün işlər aparılır.
Qazaxıstan Prezidenti Qasım Jomart Tokayev hadisənin araşdırılması üçün tapşırıq verib. Müdafiə naziri Nurlan Ermekbayev hadisə yerinə yollanıb.
***
Qazaxıstanın cənubunda yerləşən Arıs şəhərindəki silah anbarında partlayışlar bir neçə gün davam edə bilər.
Bunu Türküstan vilayətinin rəhbəri Umirzak Şukeev deyib. “Yanğının miqyası çox böyükdür və bu, bir neçə gün davam edə bilər. Təhlükəsizlik səbəbindən bütün əhali təxliyə olunmalı idi”, - deyə o, fövqəladə vəziyyətlə bağlı keçirilən brifinqin gedişində bildirib.
Qazaxıstan Prezidenti Kasım-Jomart Tokayev Arıs şəhərində yaranmış vəziyyətlə şəxsən tanış olmaq üçün Türküstan vilayətinə yola düşüb.
Tarix
2019.06.24 / 20:04
|
Müəllif
Orxan Tağıyev
|