Moskvanın Saxarova prospektində Rusiya Kommunist Partiyasının “Ədalətli seçki naminə” şüarı ilə mitinqi keçirilib.

Axar.az xəbər verir ki, Rusiya Daxili İşlər Nazirliyi mitinqdə 4 min adamın iştirak etdiyini açıqlayıb. Kommunist Partiyasının öz mənbələri isə aksiyaya 5 min nəfərin toplandığını iddia ediblər.

Partiyanın təşkil etdiyi mitinq Moskva ilə məhdudlaşmayıb. Rusiyanın digər bölgələrində keçirilən mitinqlərə qatılanların sayı da həddən artıq az olub. Ən az mitinq iştirakçısı Blaqoveşensk şəhərində qeydə alınıb. Buradakı mitinqdə iştirak edənlərin sayı cəmi 15 nəfər olub.