İraq ordusu ABŞ-ın Mosul vilayətindəki hərbi hava bazasına raketi İŞİD terror təşkilatının atdığını bildirib.

Axar.az xəbər verir ki, bu barədə məlumatı “Anadolu” agentliyi yayıb. Məlumata görə, ötən gecə Mosulun cənubundakı Qayyarah aviabazasına raket atılmasından sonra bölgədə İŞİD-ə qarşı əməliyyat həyata keçirilib. Əməliyyat zamanı İŞİD-ə məxsus 3 maşının və 3 üzvünün məhv edildiyi bildirilir.

Qeyd edək ki, sözügedən aviabaza 2016-cı ildə İŞİD terror təşkilatından alındıqdan sonra ABŞ hərbiçiləri tərəfindən istifadə edilir.