2019.11.18 - 17:30

Tiflisdə xüsusi təyinatlılar parlamentin qarşısında toplaşan etirazçılara qarşı əməliyyata hazırlaşır.

Axar.az xəbər verir ki, bu barədə Gürcüstan mətbuatı məlumat yayıb.

Gürcüstan Daxili İşlər Nazirliyi etirazçılara parlamentin qarşısından çəkilmələri üçün saat yarım vaxt verib.

Polisin su şırnaqlı maşınları hazır vəziyyətə gətirilib.

***

Gürcüstan Daxili İşlər Nazirliyini (DİN) xüsusi təyinatlı dəstələri Tiflisdə parlamentin binası qarşısında etiraz aksiyası keçirən insanları dağıtmağa başlayıb.

Müxalifət DİN-in xəbərdarlığına əməl etmədiyi üçün xüsusi təyinatlılar aksiya iştirakçılarına qarşı su şırnağından istifadə edib.

Su şırnağının tətbiqindən sonra aksiya iştirakçılarının bir hissəsi ərazidən uzaqlaşıb. Qalan insanlar isə polisə müqavimət göstərərək meydanı tərk etmək istəmir.

***

Tiflisdə Gürcüstan parlamenti ətrafında və Rustaveli prospektində keçirilən aksiyanın dağıdılmasından sonra qanunverici orqan fəaliyyətini tam bərpa edib.

Hazırda parlamentdə büro iclası və çoxluğu təmsil edən fraksiyanın toplantısı keçirilir.

***

Gürcüstan parlamenti ətrafındakı aksiyanın dağıdılması zamanı saxlanılan şəxslərin sayı 37 nəfərə çatıb.

Bu barədə Gürcüstanın Daxili İşlər Nazirliyi məlumat yayıb.