Ana səhifə Planet |
14:18
Şərq görünüşlü rus muzdluları "Allahu Əkbər" sədaları ilə Debaltsevonun milis şöbəsini və dəmiryolu vağzalını ələ keçiriblər.
Axar.az xəbər verir ki, bu barədə jurnalist Andrey Çaplienko özünün Feysbuk səhifəsində yazıb.
"Debaltsevodan. 15 dəqiqə əvvəl "Rus dünyası" döyüşçüləri "Allahu Əkbər" sədaları ilə milis şöbəsini tutdu. 1 saat əvvəl isə dəmiryolu vağzalı ələ keçirilib", - jurnalist yazıb.
Ukraynalı digər jurnalist Anastasiya Stanko şəhər milis idarəsinin "Qrad" zərbələri ilə darmadağın edildiyini bildirib.
Ukrayna Daxili İşlər Nazirliyindən binanın dağıdılması faktını təsdiqləyiblər.
Ukrayna Daxili İşlər Nazirliyinin Donetsk vilayəti Baş İdarəsinin sədr müavini İlya Kiva "112" kanalına açıqlamasında Debaltsevo dəmiryolu vağzalının separatçıların nəzarəti altına keçdiyini, şəhərin mərkəzində hər küçə uğrunda gərgin döyüşlərin getdiyini bildirib.
***
120-yə yaxın ukraynalı hərbçi Debaltsevoda küçə döyüşləri zamanı əsir götürülüb.
Bu barədə qondarma Donetsk Xalq Respublikasının Müdafiə Nazirliyinin əməkdaşı bildirib.
"Debaltsevoda küçə döyüşləri davam edir. Bizim dəslərimiz şəhərin böyük hissəsini ələ keçiriblər. 120-yə yaxın ukraynalı döyüşçü də əsir götürülüb", - separatçıların nümayəndəsi bildirib.
Tarix
2015.02.17 / 14:40
|
Müəllif
Anar Əhmədov
|