20:46

Bu gün Türkiyə Prezidenti Rəcəb Tayyib Ərdoğanın rəhbərliyi ilə koronavirus təhlükəsindən dolayı toplantı keçirilib.

Axar.az xəbər verir ki, 5 saat davam edən toplantıdan sonra Prezident Administrasiyasının sözçüsü İbrahim Qalın qəbul edilən qərarlarla bağlı mediaya açıqlama verib.

Qalın bildirib ki, koronavirus təhlükəsindən dolayı 16 martdan etibarən Türkiyənin təhsil ocaqlarında 1 həftə tətil elan ediləcək.

"Universitetlərdə isə 3 həftə boyunca tətil elan ediləcək. Bu 3 həftəlik tətilin necə koordinasiya ediləcəyinə də Ali Təhsil Qurumu qərar verəcək", - o bildirib.

Qalın jurnalistlərə açıqlamasında 23 martdan sonra da tətilin davam edəcəyini bildirib: “Uşaqlar evdə olacaqlar. İnternet və televiziya vasitəsilə dərslər tədris olunacaq”.

Administrasiya rəsmisi kütləvi idman tədbirlərinin də azarkeşsiz keçiriləcəyini bildirib.

Qalın qəbul edilən qərarlar çərçivəsində Ərdoğanın xarici səfərlərini təxirə saldığını deyib.

"Bundan əlavə, tövsiyəmiz odur ki, fövqəladə vəziyyət olmadıqca vətəndaşlar xaricə səfər etməsinlər".