12 fevralda imzalanan Minsk sazisi çərçivəsində Donbasda ağır silahların geri çəkilməsi tamamlanıb.

Axar.az xəbər verir ki, bu barədə Ukrayna ordusunun xüsusi əməliyyat sözçüsü Anatoli Stelmax ölkə televiziyasında məlumat verib.

Xatırladaq ki, separatçılar martın 1-də Luqansk və Donetsk bölgələrində çəkilmə əməliyyatını tamamladıqlarını açıqlamışdı.

Minsk sazişi çərçivəsində bütün əsirlərin qarşılıqlı olaraq sərbəst buraxılması göstərilsə də, hələlik buna əməl olunmayıb. Donetsk separatçıları 220 nəfərlik əsir mübadiləsi ilə əlaqədar siyahı göndərsə də, rəsmi Kiyev bununla bağlı hər hansı açıqlama verməyib. Separatçıların fikrincə, Ukraynanın əlində 3 minə yaxın əsir var.