İŞİD-lə Əl-Qaidə arasında münaqişə yaranıb.

Axar.az xəbər verir ki, "İslam xilafəti" terrorçularının liderinin sözçüsü olan suriyalı Əbu Məhəmməd Adnani çıxışında bu məsələyə toxunub. O, "Bağışla, Əl-Qaidə əmiri" başlığı ilə yayımladığı çıxışında mühüm nöqtələri açıqlayıb.

Adnani Əl-Qaidə lideri Zəvahirini İrana köməkdə ittiham edib.

Onun sözlərinə görə, Əfqanıstanda ABŞ qüvvələri ilə döyüşən Taliban və Əl-Qaidə terrorçularının təhlükəsizliyinin təmin olunması və müharibə üçün İran ərazisindən istifadə edilən təchizat yollarının bağlanmamasına görə İrana qarşı hər cür hücum əngəllənir.

Adnani Əl-Qaidə liderinin İrana böyük bir hədiyyə verdiyini deyib:

"Biz heç vaxt Əl-Qaidəyə itaət etmədik".

Onun diqqət çəkdiyi digər məqam isə Əl-Qaidə liderinin Misir Müsəlman Qardaşlarının lideri Mursini kafir elan etməməsi, hətta ona dua etməsidir. O, bunu da Əl-Qaidə və İŞİD arasındakı fərqlərə daxil edib.

Adnani sonda qeyd edib ki, Zəvahiri Mursini kafir, Misir, Tunis və Səudiyyə Ərəbistanı kimi ölkələrə müharibə elan edərsə və Bağdadiyə beyət edərsə, onda etibarlı tərəfdaş sayılacaq.