"Əgər Ukrayna ordusu 2014-cü ilin yayında Rusiya qoşunlarına qarşı hazırlıq görsəydi, artıq müharibə bitmiş olardı".

Axar.az xəbər verir ki, bu açıqlama ilə Ukrayna millətçisi, Sağ Sektorun lideri Dmitri Yaroş çıxış edib.

Onun sözlərinə görə, keçən ilin sentyabrında Ukraynanın ölkədəki separatizmə son qoyma şansı mövcud olub:

"Əgər Rusiya əsgərlərinin mütəmadi olaraq sərhədi keçməsinin qarşısı alınsaydı, məsələni həll etmiş olardıq. Biz generallara rusların sərhədi keçəcəyini deyəndə onlar bizə belə cavab verdilər: "Rusiya cəsarət etməz. Orada ATƏT, Avropa var". Onlar isə sərhədi keçdilər və istəklərinə nail oldular. Buna görə heç kim cavab vermədi. Məncə, bundan sonra da heç kimi günahlandırmayacaqlar. Çünki bütün əmrlər Ali Baş Komandandan gəlirdi. Məhz buna görə indi belə situasiya mövcuddur".