Almaniya başda olmaqla Avropanın bir çox ölkəsi terror aktlarına qarışdıqları üçün Türkiyə tərəfindən axtarılan terrorçuları himayə edir.

Axar.az xəbər verir ki, bu barədə Türkiyənin "Star" qəzeti yazıb. Qəzetin məlumatına görə, Türkiyə 2004-2014-cü illər ərzində AB ölkələrindən terror aktlarında şübhəli bilinən 429 nəfərin geri qaytarılmasını tələb edib.

AB ölkələri isə Türkiyəyə terrorçularla bağlı yalnız 12 müsbət cavab verib.

Türkiyə 10 il ərzində ən çox Almaniyadan terrorçuları tələb edib: 161 terrorçunun qaytarılmasını istəyib, lakin 4-ü təhvil verilib.

İkinci yerdə 45 terrorçunu himayə edən Fransa, üçüncü yerdə isə 35 terrorçunun torpaqlarında yaşamasına icazə verən Belçika qərarlaşıb.