Gürcüstanın xarici ticarət dövriyyəsi 2020-ci ilin yanvar-avqust ayları arasında 16,7% azalıb.

Axar.az xəbər verir ki, bu məlumatı Gürcüstanın Milli Statistika Xidməti yayıb. Məlumata görə, bu dövr ərzində ixrac 14,7%, idxal isə 17,5% azalıb. 2020-ci ilin başlanğıcından indiyə qədər Gürcüstanın ən böyük ticarət tərəfdaşı Türkiyə, Rusiya və Çin olub. Bu ölkələrlə ticarət 2,5 milyard dollar təşkil edib ki, bu da ümumi ticarət dövriyyəsinin 36%-i deməkdir.

Azərbaycan siyahıda dördüncü yerdə qərarlaşıb. Bakı ilə ticarət dövriyyəsi 593,8 milyon dollar təşkil edib. İlk onluqda Ermənistan, ABŞ, Ukrayna, Bolqarıstan, Almaniya, İtaliya yer alıb.