Koalisiya qüvvələrinin martda İŞİD-ə qarşı təşkil etdiyi hava hücumlarında yaralanan və artıq təşkilatı idarə edə bilməyən Əbubəkr Bağdadinin yerinə müvəqqəti olaraq sağ qolu Əbu Ala Afri keçib.

Axar.az xəbər verir ki, bu barədə İraq hökumətinin rəsmisi Hişam Haşimi açıqlama verib. O, əvvəl fizika müəllimi olan və Mosulda yaşayan Afrinin hazırda təşkilat içərisində nüfuzunun Bağdadidən çox olduğunu bildirib.

Kürdlərə yaxınlığı ilə bilinən "Rudav" agentliyi isə Bağdadinin yaxınlarından biri sayılan Visam Kənanın Mosul yaxınlığında öldürüldüyünü iddia edib. Lakin bu iddia İŞİD tərəfindən təsdiqlənməyib.