Ana səhifə Planet |
Ukraynanın "Sağ sektor" təşkilatının müəllifi olduğu
"zibil lyustrasiyası"nın növbəti hədəfi Dneprodzerjinsk şəhər
sovetinin deputatı İqor Lesniçev olub.
Publika.az "tvzvezda.ru" saytına istinadən xəbər verir ki, dünən
deputatın ofisinə hücum edən təşkilatın üzü maskalı fəalları onu
küçəyə çıxarıblar.
Deputatı küçədəki zibil qablarından birinin içərinə salan "Sağ
sektoru"un fəalları onu zibil yeməyə məcbur ediblər. Təşkilatın
fəalları bildiriblər ki, onların bu addımı İqor Lesniçevin siyasi
mövqeyi ilə bağlı olub. Onun Ukrayna Ali Radasının keçmiş deputatı
Oleq Çarev və Donbas separatçılarına yaxın olan digər
siyasətçilərlə sıx əməkdaşlıq etdiyi bildirilir.
"Zibil lyustrasiyası" "Sağ sektor"un fəallarının sayəsində
Ukraynada məşhurluq qazanıb. Təşkilatın "arzuedilməz" hesab
etdikləri siyasətçilərin zibil qutularına salınması onlar üçün bir
ənənə halını alıb. "Zibil lyustrasiyası" adını alan aksiya
Ukraynanın demək olar ki, bütün regionlarına toxunub. Təşkilatın
fəalları deputatlar zibil qutularına salır və onlardan istefa
verməyi tələb edirlər.
Məlumata görə, İqor Lesniçevahücum faktı üzrə dələduzluq maddəsi
ilə cinayət işi qaldırılıb. Hadisənin iştirakçıları şəhər şurası
tərəfindən axtarılır. Lakin "Sağ sektor" cəza almayacağına əmindir.
Təşkilatın regional saytında bildirilib ki, Dneprodzerjinskdə
məmurların "lyustrasiyası" onlar üçün şərəf məsələsidir. Açıqlamada
təşkilatın lideri Dmitri Yaroşun da bu şəhərdə doğulduğu
xatırlanıb.
Tarix
2015.04.24 / 23:37
|
Müəllif
Axar.az
|