Dünən Çanaqqala zəfərinin 100-cü ildönümü çərçivəsində Türkiyə Cümhuriyyətinin qurucusu Atatürkün məzarının yerləşdiyi Anıtqəbir mavzoleyində gün boyu müxtəlif tədbirlər təşkil edilib. Tədbirə cavan, qoca, qadın, kişi, hər yaşdan və qruplardan olan insanların böyük maraq göstərməsi mavzoleydə izdiham yaradıb.

Axar.az xəbər verir ki, tədbirdə iştirak edən vətəndaşlar günün əhəmiyyətini və mənasını əks etdirən 1915 arzu şarını səmaya buraxaraq günün sonunda vizual şənliyin yaşanmasına səbəb olublar.

Mavzoleydə təşkil olunan konsertdən sonra eyni vaxta göyə buraxılan şarlar göydə möhtəşəm mənzərə yaradıb. Bu anı yüzlərlə vətəndaş kameraya çəkərək ölümsüzləşdirib.

Türkiyə tarixində ilk dəfə yaşanan möhtəşəm hadisənin videosunu təqdim edirik: