Səudiyyə Ərəbistanının Kralı Salman bin Əbdüləziz Əl Səud Krallığın Mərasim naziri Məhəmməd bin Əbdürrəhman et-Tabişiyi vəzifəsindən azad edib.

Axar.az xəbər verir ki, bu barədə Səudiyyə Ərəbistanının rəsmi xəbər agentliyi SPA məlumat yayıb. Tabişinin yerinə isə Xalid bin Saleh əl-Abbad təyin olunub.

Ölkənin "Əl-Arabiyya" kanalı Tabişinin kralın mərakeşli həmkarı ilə görüşü zamanı jurnalistlərdən birinə qeyri-etik davrandığı üçün vəzifəsindən çıxarıldığını bildirib.

Hadisə ilə bağlı sosial şəbəkələrdə yayılan görüntülərdə isə Tabişinin jurnalistə şillə vurduğu görünür.

Qeyd edək ki, sabiq nazir 2013-cü ildə də vəzifəsindən çıxarılmış və 3 ay sonra yenidən bu posta qaytarılmışdı.