Misir müftisi ölkənin devrilmiş prezidenti Məhəmməd Mursi barəsində çıxarılan edam hökmü ilə bağlı yekun qərarı təxirə salıb.

Axar.az xəbər verir ki, bu barədə "Röyter" agentliyi məlumat yayıb. Məlumata görə, yekun qərar iyunun 16-da keçiriləcək iclasda veriləcək.

Qeyd edək ki, mayın 16-da Misirin devrilmiş prezidenti Məhəmməd Mursi məhkəmənin qərarı ilə edam cəzasına məhkum edilib. Ölkə qanunlarına görə, məhkəmənin çıxardığı edam hökmlərini Misir müftisi də təsdiqləməlidir. Yalnız bundan sonra edam cəzası tətbiq oluna bilər.