Türkiyədə yanğınların söndürülməsinə yardım üçün göndərilən Dövqəladə Hallar Nazirliyinin ikinci dəstəsi Dənizliyə çatıb.

Axar.az əməkdaşının verdiyi məlumata görə, artıq yanğınları getdiyi əraziləri görmək olur.

Hazırda FHN dəstəsinin qruplara bölünməsi və təlimatlandırılmasına başlanılıb. Koordinasiya üçün fövqəladə hallar nazirinin müavini, general Etibar Mirzəyevin əraziyə gələcəyi gözlənilir.

İlkin məlumata görə, ikinci dəstə müxtəlif qruplar halında sabah E.Mirzəyevin rəhbərliyi ilə yanğınsöndürmə əməliyyatlarına qatılacaq.

Qeyd edək ki, yardıma göndərilən ikinci dəstəyə 54 texnika və 254 yanğınsöndürən daxildir. Onlar 31 iyulda Bakıdan yola düşmüşdülər.

Birinci dəstə - 103 nəfərlik yanğınsöndürən, o cümlədən amfibiya təyyarəmiz isə artıq 5 gündür ki, Marmarisdə yanğınlara qarşı mübarizə aparırlar.