Türkiyədə vəhhabi elektron mediası qadağan olunub. Ölkədə fəaliyyət göstərən "Tevhidi Gündem", "Mustaqim Haber", "Takva Haber" və "Darul Hilafe" saytları yasaqlanıb.

Axar.az xəbər verir ki, "Inca News" və "Ummet-i İslam" portallarının da yayımına xitam verilib. Bu informasiya saytları ölkədə radikalizmi təbliğ, İŞİD-in fəaliyyətini təqdir etməklə diqqət çəkir.

Ərdoğan hökumətinin bu qərarına Türkiyədəki vəhhabilər tərəfindən etirazlar baş qaldırıb, sosial şəbəkələrdə tənqidlər səslənir, bu addım mediaya basqı kimi qiymətləndirilir.

Qeyd edək ki, İŞİD dünyanın müxtəlif yerlərində informasiya dəstəyini təmin edir.