17:24

Ermənistanın keçmiş müdafiə naziri David Tonoyanın evində axtarış aparılır.

Axar.az xəbər verir ki, bu məlumatı “Hraparak” qəzeti yayıb. Məlumata görə, axtarışdan sonra nazirin saxlanılması nəzərdə tutulur.

Tonoyanla bərabər keçmiş aviasiya rəisi Avetik Muradyan, Baş Qərargah rəisinin keçmiş müavini Stepan Qalstyanın evində də axtarışlara start verilib. Qəzet bu şəxslərdən sonra keçmiş müdafiə naziri Seyran Ohanyan və keçmiş Baş Qərargah rəisi Yuri Xaçaturova da növbənin çatacağını yazıb.

Ümumilikdə axtarışların yararsız aviasiya silahı almaq haqqında cinayət işi ilə bağlı olduğu bildirilib.

***

Ermənistanda keçmiş müdafiə naziri David Tonoyan və silah tədarükçüsü David Qalstyan saxlanılıb.

Erməni mediasının məlumatına görə, hələlik onlar haqda məhkəmənin qərarı ilə həbs qətimkan tədbiri seçilməyib. Qanunvericiliyə görə isə polisin yalnız 72 saat məhkəmə qərarı olmadan saxlamaq hüququ var.

Saxlanılanlar haqda həbs qərarının verilməsi üçün istintaq məhkəməyə müraciət edib. Məhkəmənin sabah günorta olacağı gözlənilir.