Afrika və ərəb ölkələri İsraillə əldə edilən normallaşma razılaşmalarını ləğv etməlidir.

Axar.az xəbər verir ki, bu barədə HƏMAS Siyasi Bürosunun rəhbəri İsmayıl Həniyə deyib.

“Normallaşma xalqlarımıza, Fələstin amalımıza, dəyərlərimizə və mübarizəmizə xidmət etmir. Regional sülhü təmin etmək üçün Fələstinin hüququnu gözardı etmə cəhdləri qəbuledilməzdir. İsrailin irəliləməsi və genişlənməsi xalqların təfəkkürünü dəyişə bilməyəcək. Bu gün regionda balans müqavimətçilər tərəfindən müəyyən edilir”, - deyə İ.Həniyə bildirib.

Qeyd edək ki, İsrail artıq BƏƏ, Bəhreyn, Sudan və Mərakeş ilə münasibətlərin normallaşmasına yönəlik bir sıra müqavilələr imzalayıb.