Rusiya Baş Qərargahı 2025-ci ildə başlayacaq dünya müharibəsinin planını hazırlayıb.

Axar.az xəbər verir ki, bunu "Obozrevatel.com" saytına açıqlamasında beynəxalq təhlükəsizlik məsələləri üzrə ekspert Qriqori Perepelitsa söyləyib. Onun sözlərinə görə, Rusiyanın NATO-ya qarşı müharibə planı çoxdan mövcuddur:

"Rusiyanın bütün hərbi sənədlərində NATO bir nömrəli düşmən kimi görülür və öz milli təhlükəsizliyi üçün əsas təhdid hesab edilir. Onlar Qərb və NATO-ya qarşı müharibə kampaniyasını 2025-ci ildə başlamağı planlaşdırırlar. Müharibə 2025-ci ildən 2030-cu ilə qədər davam etməlidir. 2020-ci ilə qədər isə Rusiyanın 2010-cu ildən başladığı silahlı qüvvələrin modernləşdirilməsi işi tam başa çatmalıdır. Bizim bu gün Donbasda gördüyümüz həmin proqramın bir hissəsidir. Bu müharibədə heç kim qalib olmayacaq. Çünki o, nüvə savaşı olacaq".