Türkiyə Baş naziri Əhməd Davudoğlu Milliyətçi Hərəkat Partiyasını tənqid edib.

Axar.az Türkiyə mediasına istinadən xəbər verir ki, Davudoğlu MHP-nin öz məsuliyyətini dərk etmədiyini bildirib.

"MHP ilk gündən öz məsuliyyətini dərk etməkdən çox başqalarının nələr etməli olduqlarından danışır. Xalq belə bir mövqeyi qəbul etməz. O gündən etibarən MHP "O partiya bunu etsin, o biri bununla məşğul olsun", - deməklə məşğuldur. Adamdan soruşarlar, bəs sən nə edəcəksən? Nə etməyi düşünürsən? Bütün siyasi liderlərə səslənirəm: seçki heç bir şəraitdə zəhər deyil, seçki milli iradə deməkdir", - Davudoğlu vurğulayıb.