Rusiya qoşunlarının xüsusi əməliyyatı başlayandan Ukrayna hərbçilərinin itkiləri 2870-dən çoxdur. RF Silahlı Qüvvələri isə 498 nəfər itki verib.

Axar.az xəbər verir ki, bunu Rusiya Müdafiə Nazirliyinin rəsmi nümayəndəsi general-mayor İqor Konaşenkov bildirib.

“Ukraynanın güc strukturlarının millətçiləri və hərbçiləri arasında itkilər var - 2870-dən çox ölü və 3700-ə yaxın yaralı. Yalnız təsdiqlənmiş məlumatlara görə, Ukrayna hüquq-mühafizə orqanlarının əsir götürülən hərbçilərinin sayı 572 nəfərdir.

Təəssüf ki, xüsusi hərbi əməliyyatda iştirak edən yoldaşlarımız arasında da itkilər var. 498 rus hərbçisi xidməti borcunu yerinə yetirərkən həlak olub. Həlak olanların ailələrinə hər cür köməklik göstərilir. 1597 əsgərimiz yaralanıb”, - Konaşenkov qeyd edib.