"Top Gear" verlişinin keçmiş aparıcısı Ceremi Klarkson "Amazon" video servisi ilə müqavilə imzalayıb.

Axar.az Sputnik-ə istinadən xəbər verir ki, Ceremi Klarkson yeni iş yerində 10 milyon funt-sterlinq (15 milyon dollara yaxın) alacaq. Məşhur aparıcıya hər bir veriliş üçün 800 min funt-sterlinq(1,2 milyon dollar) ödəniləcək. Klarksonun Ceyms Mey, Riçard Hemmond və Endi Uilyamdan ibarət proqram qrupu isə hər bir veriliş üçün 600 min funt (920 min dollar) qazanacaq.

Klarkson "Amazon"-da əvvəlki kimi avtomobillər barədə veriliş aparacaq.

O, bu ilin martında aparıcısı olduğu "BBC"-dən uzaqlaşdırılmışdı. Buna səbəb prodüserlə aralarında yaranan münaqişə olmuşdu. Klarkson prodüseri gecə saatlarında ona steyk tapmadığı üçün vurmuşdu.