Rusiya Prezidenti Vladimir Putin boks üzrə rekordçu Natalya Raqozina ilə eşq macərası yaşayır.

Axar.az xəbər verir ki, bu iddianı ABŞ-ın "Deyli Best" (The Daily Beast) nəşri yazıb.

39 yaşlı Raqozina ötən həftə Soçidə beynəlxalq sambo turnirində Putinlə yan-yana görüntülənib.

Rusiya mətbuatının məlumatına görə, Putinlə Raqozina 2011-ci ildə Moskvada qarışıq döyüş növləri üzrə Fyodor Yemelyanenko ilə Ceff Monsonun görüşünü birlikdə izləyib. Ötən il isə cütlük Soçidə hokkey matçında bir komandada çıxış edib.

Qeyd edək ki, Natalya Raqozina 1976-cı ildə Qazaxıstanın Abay şəhərində anadan olub. O, peşəkar boksda qadınlar üzrə ən titullu idmançı hesab olunur. Raqozina keçirdiyi 22 görüşü qələbə ilə (13 nokaut) başa vurub. Onun adı uğurlarına görə Ginnesin rekordlar kitabına salınıb.