Oktyabrın 13-də Suriyanın Hələb şəhəri bombalanıb.

Axar.az xəbər verir ki, Furkan Azəri ləqəbli jurnalist Rusiyanın bölgəyə hava zərbələri endirdiyini qeyd edib. Onun sözlərinə görə, xeyli ölən və yaralı var.

Jurnalist hadisə yerindən fotolar paylaşıb.

Bildirək ki, Hələb iki yerə parçalanıb. Şəhərin bir sıra ərazilərinə "İslam dövləti" terror təşkilatı nəzarət etməkdədir, qalan hissələri Əsər ordusu tərəfindən mühafizə olunur.

2011-ci ildə başlayan müharibədən bəri Hələb xarabalığa çevrilib, kommunikasiya sistemi dağıdılıb, tikililər məhv edilib. Bu şəhərdə görkəmli Azərbaycan şairi İmadəddin Nəsiminin məzarı var.

Qeyd edək ki, Rusiya terrora qarşı mübarizəyə dəstək üçün Bəşər Əsədin çağırışı ilə Suriyaya hərbi müdaxilə edib.