Rusiya bu məhkəmə ilə əməkdaşlıq etmir və onun qərarları Rusiya üçün əhəmiyyət kəsb etmir.

Axar.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova ölkə lideri Vladimir Putin barədə Haaqa məhkəməsinin həbs qərarını şərh edərkən bildirib.

"Beynəlxalq Ədalət Məhkəməsinin qərarlarının ölkəmiz üçün, o cümlədən hüquqi nöqteyi-nəzərdən heç bir mənası yoxdur. Rusiya Beynəlxalq Ədalət Məhkəməsinin Roma Nizamnaməsinin iştirakçısı deyil və ona görə öhdəlik daşımır. Rusiya bununla bağlı əməkdaşlıq etmir. Beynəlxalq Ədalət Məhkəməsindən çıxarılan həbslə bağlı mümkün “reseptlər” bizim üçün qanuni olaraq etibarsız olacaq”, - Rusiya Xarici İşlər Nazirliyinin nümayəndəsi vurğulayıb.

Qeyd edək ki, Beynəlxalq Cinayət Məhkəməsi Rusiya Prezidenti Vladimir Putinin və Rusiya Prezidenti yanında uşaq hüquqları üzrə səlahiyyətli şəxs Mariya Alekseyevna Lvova-Belovanın həbsinə order verib.