Saysız-hesabsız miqrant qəbulundan narazısınız? Onda su şırnağından zövq alın!

Axar.az xəbər verir ki, bu sözləri Dövlət Dumasının Beynəlxalq əlaqələr komitəsinin sədri Aleksey Puşkov Köln şəhərində polisin etirazçıları su şırnağı ilə dağıtması haqda öz Tvitter hesabında yazıb.

Onun sözlərinə görə, polisin miqrant axınına etiraz edən aktivistləri su şırnağı ilə dağıtması "azadlığın ekstazı"dır.

Xatırladaq ki, yeni il ərəfəsində Köln şəhərində təcavüzə məruz qalan qadınların müdafiəsi və miqrant axınına etiraz əlaməti olaraq eyni şəhərdə protestlər keçirilir. Polis mitinqi dağıtmaq üçün su şırnaqlarından istifadə edir.