Böyük Britaniya Federal Təhlükəsizlik Xidmətinin keçmiş zabiti Aleksandr Litvinenkonun zəhərlənməsi ilə bağlı Rusiyaya sanksiya tətbiq ediləcək.

Axar.az xəbər verir ki, bu sözləri Skay Nyus-a müsahibəsində Böyük Britaniya Baş naziri Devid Kemeron deyib.

Kemeron qeyd edib ki, məsələ ilə bağlı hakimiyyət ətraflı məlumat əldə edəcək.

Qeyd edək ki, bu gün Böyük Britaniya məhkəməsinə təqdim edilən hesabatda Litvinenkonun öldürülməsi əməliyyatının FTX tərəfindən keçirildiyi bildirilib. Hesabat müəllifləri həmçinin FTX-yə bu əmrin Təhlükəsizlik Şurasının rəhbəri Nikolay Patruşev və Prezident Vladimir Putin tərəfindən verildiyini iddia ediblər.

Xatırladaq ki, Litvinenko 2000-ci ildə Böyük Britaniyaya qaçıb. O, 2006-cı ildə Britaniya vətəndaşlığını aldıqdan az sonra vəfat edib. Ölümündən sonra aparılan araşdırmalar zamanı Litvenenkonun bədənində radioaktiv polon-210 maddəsi tapılıb.